عائله من نوع اخر ح 3

وانتى يا اوزعة الى هتصلحى البلد
ريناد انا مش اوزعة على فكرة
حازم بيضحك وبيمسكهاا من خدهاا
حازم انتى امتى كبرتى كدة
ريناد بتبعد ايدو پغضب وبتقف على طرطيف صوابعها من الڠضب
ريناد انا كبيرة من زماان اوى على فكرة من زماان وانا كبيرة
حازم براحة هتنفجرى يلاا اركبى اخرتينى معااكى وبعد كدة ليا كلام مع اخوكى الحمار دة
ريناد انا اخويا مش حماار
حازم خلصينى اركبى
ريناد بتركب بعصبية وحازم بيوصلها للجاامعة
حازم انتى فى كلية اية باة يا نونو
ريناد انا مش نونو انا فى تانية كلية طب يا حضرت الظابط سلام وياريت مشفش وشك تانى بجد يوم باين من اولو فعلاا
ريناد بتدخل الكلية بسرعة علشان متاخرة و حازم بيبصلها اوى وهى بتجرى وبيضحك عليهاا اوى
.
فى اليونان
كمال بيشتغل فى سوبر مركت كبير وصاحب المكان مبسوط منه لانو خفيف الظل وبيتحرك سريع و كمال مبسوط اوى فى المكان و ريتا بتروح على كمال
كمال ريتا انتى اية الى جابك هناا
ريتا انا خلصت شغل قلت اجى اباركلك على الشغل وانت وحشتنى
كمال ريتا احنا مش فى البيت
ريتا هستناك مش تتاخر
كمال مبسوط اوى وبيراقب ريتا لحد ما بتخرج
.
يزيد فى المكتب بينهى باقى الشغل وبينزل مع العمال
فى الورشة وبيساعدهم فى الشغل اليدوى والكل مبسوط اوى من معاملة يزيد ليهم و نور واقف بعيد ومدايق اوى من يزيد وبيقرب من المكان الى يزيد فية
وبيسحب حديدة مركونة على رفوف وري يزيد والرفوف بتقع بس يزيد بيتحرك فى اخر لحظة وبيتفادا كتل الحديد
الى كانت هتقع علية و العمال بيتفزعو كلهم علية
يزيد الحمد لله مفيش حاجة حصلت بس لزم تنتبهو كلكو ممكن يحصل كدة مع حد فيكو لقدر الله يلاا حد يجمع الرفوف دى تانى
يزيد لسة هيطلع على مكتبو وبيشوف نور واقف بيبصلو
يزيد لا حول الله ياربى
يزيد بيحاول يتصل بنغم اكتر من مرة ومش بترد علية
و يزيد بيدايق اوى
.
شهاب بيدخل مكتبو وبيشوف حازم قاعد بيخلص اوراق فى ايدو
شهاب اية الاجتهاد دة كلو
حازم هاا قررت تقبض علية
شهاب اوووف هرب منى فى اخر لحظة زى القطط بالظبط
حازم بيضحك
شهاب مش عارف كل مرة خلاص همسكو بس بيقدر يهرب بطريقة غريبة
حازم المچرم دة عامل رهبة كبيرة لاهل المنطقة وبيخافو منو علشان كدة بيساعدوة
شهاب مش هسيبو وراة ورااة
وبيدخل امين شرطة المكتب
شهاب ايوة قول يا وش الخيير فى مصېبة تانية
الامين ياباشا فى مجموعة شباب وبنات عملين ثورة ضد الشرطة واحنا جبناهم على القسم يا فندم
شهاب لا دى اخر حااجة ممكن اعملهاا انى اقابل شوية العيال دة انا دماغى مش نقصة
حازم خليك انت انا هشفهم
شهاب حازم دول شوية عيال مضحوك عليهم حاول تخليك هادى معاهم بس الى مش عجبو فهمو بطريقتناا احناا
حازم بيخرج من المكتب وبيروح يشوف حوالى ١٥ شاب وبنت وقفين
الشباب احنا معملناش حاجة غلط علشان تجبونا هناا احنا بنطالب بتحقيق العداالة لما بنت مننا تغتصب ولحد دلوقتى الجانى متمسكش دة يباة اية
حازم هششش اهدو شوية ولا احنا مش بنلعب هناا احناا
وحازم بيلمح جسم ضئيل بيستخبي وره البنات
حازم ماشى انا فهمت انتو عوزين اية بالظبط لزم تروحو لان دة غلط انتو كدة بتضيعو وقتنا ووقتكو
الشباب لا احنا بنطالب بحق البنت المغتصبة
حازم يا اميين خلاص خدهم على الحجز پتهمة تعطيل الامن العامل
الشباب بيبصو لبعض
حازم انتو زى اخواتى صدقونى احنا مش سكتيين ابدا
المچرم هيتمسك يعنى هيتمسك
والشباب بينسحبو وبيمشو وحازم بيقرب منهم وبيسحب الجسم
الضئيل من وسطهم
حازم اكيد مش هتمشى غير ما تسلمى على شهاب
ريناد حازم شهاب لااا
حازم انا مش قولتلك ملكيش دعوة بالى ملكيش فية
ريناد يعنى اية انت بتقولى امشى جمب الحيط مش كدة الى اغتصبت دى بتكون زملتناا واحنا
حازم لا المرافعة دى تقوليهاا قدم اخووكى تعالى
ريناد بتمسك حازم من هدومه پخوف
ريناد لا بلييز يا حازم خلاص شهاب لا خلينى اروح بليييز
وحازم بيبصلهاا اوى
حازم هتوعدينى انك
ريناد اوعدك اوعك خلينى ارووح
ريناد بتجرى بسرعة على على زمايلهاا و حازم بيضحك عليهاا
شهاب حازم هاا اتكلمت معاهم
حازم اة وخلاص راحو
شهاب انا رايح المدرية طلبنى هناا سلام
.
هشام بيروح على مكتب سارة
هشام سارة انتى النهاردة معزومة
سارة نعم
هشام النهاردة عيد ميلاد كريم وانتى معزومة
سارة لا شكرا
هشام برفع حاجب هو انا بقولك تكلى اية خدى ساعة
اجازة وروحى جهزى نفسك وانا هعدى عليكى واخدك
سارة بس انا مبحبش المناسبات دى اسفة انا
هشام لا هتحبيهاا يلاا سيبى الاوراق دى وروحى جهزى نفسك وساعة وهعدى عليكى اخدك انتى لسة وقفة
سارة بتبصلو بتوتر وبتاخد شنطتها وبتمشى و هشام بيبصلها اوى وهى ماشية وبيبتسم
.
يزيد بيروح لام كمال البيت وبتكون ام محمد جارتها معاهاا
ام محمد اهو جة اهو يزيد
يزيد السلام عليكم
ام كمال وعليكم السلام يا ابنى تعاالة
ام محمد بعد ازنكو انا هروح اشوف العيال
وام محمد بتمشى و يزيد بيقاعد جمب ام كمال
ام كمال اية يا ابنى مالك
يزيد تعبان اوى يا خالة
ام كمال بتطبطب على ايدو بحب
ام كمال انا زعلانة منك
يزيد حتى انتى كمان انا نفسى زعلان من نفسى
ام كمال كدة اعرف انك اتجوزت من غير ما اعرف
يزيد معلش يا خالة كل حاجة جت بسرعة
ام كمال اية مش هتتكلم وتقولى مالك يا ابنى
يزيد يعنى شوية مشاكل كدة انتى متشغليش بالك هاا بتخدى الادوية فى معادها ولا لاا
ام كمال ام محمد ربنا يكرمهاا بتيجى تدينى الادوية فى معادها دة انا كمان النهاردة خرجت الصالة لوحدى
يزيد بيبوس اديهاا
ام كمال خد الجواب دة وصل من يومين من كمال مرضتش اخلى حد يفتحو غير لما انت تيجى وتفتحو بايدك
يزيد بيخدو منها
يزيد ومين قالك ان دة من كمال
ام كمال الام بتحس يا ابنى
يزيد بيفتح الجواب وبيشوف فى شيك
يزيد كمال باعت فلوس علشان العملية وبيقول ان كل شهر
هيبعت زى المبلغ دة وبيسلم عليكى وباعت كمان رقم تلفونو علشان نكلمو علية
ام كمال طب كلمو يا ابنى نفسى اسمع صوتو
يزيد بيتصل بكمال و كمال بيشوف نمرة على الموبيل
كمال دى من مصر
يزيد كمال
كمال يزيد عامل اية وامى طمنى عليهاا يا يزيد
يزيد هى معاااك
ام كمال بټعيط
.
فى الليل
هشام بيروح على بيت سارة وبيتصل بيهاا على الموبيل
و سارة مش بترد علية و هشام بيتافاف ولسة هينزل من العربية وبيتفاجا بسارة خرجة ولبسة فستان اخضر قصير
لفوق الركبة ولاول مرة يشفها سيبة حرية شعرهاا وري ضهرهاا وحطة ميكاب هادى وبتقرب منو وبتركب العربية مع هشام و هشام بيبصلهاا بزهول ومش بيتكلم
سارة مش هنروح
هشام مين
سارة هو اية الى مين عيد الميلاد
هشام ازااى
سارة بتحرك اديهاا قدم عيونو
سارة انت كويس
هشام انتى ميين
سارة بتبتسم اوى بخجل
سارة انا سارة
هشام انتى حلوة اوى
سارة شكرا
هشام دى مش مجاملة على فكرة
سارة يعنى اسميها معاكسة
هشام كويس انك فهمتينى صح
سارة بتكتم الضحكة و هشام بيضحك اوى
.
فى فيلاا نغم
يزيد بيوصل الفيلاا وبيشوف الجنينة كلها متزينة وفى ضيوف كتير موجودين وميعرفش منهم اى حد خالص فى الى بيروحو يسلمو علية وفى الى بيتهامس من وره ضهرو
و يزيد بيروح هلى اوضته ومديق اوى
يزيد نغم نغم
فايزة بتدخل الاوضة
فايزة نغم مش هنا لسة موصلتش هى اتصلت وبتقولك تلبس البدلة دى لحد ما توصل