روايه سليم

سليم
قد تقسم أن قلبها يكاد يتوقف فقد خفق بسرعة رهيبه واحمر وجهها بشدة وقالت متلجلجة
استاذ ناجي حمد الله على السلامة وصلتم أمتي
ثم توجهت بنظرها اتجاه سليم وقالت
اهلا استاذ سليم شرفت بيتنا المتواضع
التقت عين سليم مع فريدة لاول مرة وكان الشوق هو المتحدث بينهم
سليم وقد خفق قلبه هو الآخر الله يسلمك يا فريده الشرف ليا أنا ومد يده يسلم عليها ولكن السلام كأنه عناق وليس سلام باليد
أنه الحب يأتي بدون استئذان .. ولا حساب لزمن أو وقت او شكل الحب عندما يدخل في القلب تتلغي كل حسابات الزمن . و تتوقف ساعات عن الدوران
ولكن اثار الحب الاول لاتزال محفورة في ذاكرة الإنسان وكثيرا ما تكون هذه البصمات كالجمر. تحت الرماد .
و فريده جرحها الحب .. و انحنت له و دعس عليها بقوة دمرها كعاصفة التي تجتاح كل شيء
لقد تركها من أحبته واسلمت له قلبها فهل من الممكن أن تفتح باب قلبها من جديد ..
نعم الحب يأتي بدون سابق انذار ولكن تخشي فريده أن تكون متعلقة باشباح الماضي .. فالشبه الموجود بين سليم و زياد . يجعل كافة سليم ضعيفه لأنها تبحث فيه عن اشباح وخيالات. . صور لها عقلها أنها ستجدها عنده
نعم نعلم أن فريده تكاد تكون تظلم سليم ولكن لا بليد حيلة .. فهي أيضا مثل الغريق الذي يتعلق بقشة نجاته فهي تبحث في كل الوجوة عن شبح الماضي ..وقد وجدته في وجه مشوة ليست به أي حياه ..
فريده وقد انتبهت لنفسها اهلا وسهلا اتفضلو جوا دي زوزو عاملة كل الاكل اللي بتحبه .. وغمزت لناجي يعنيها
ضحك ناجي فهو يعلم أن زينب معجبه بيه وهو أيضا يبادلها نفس الشعور فهو الوحيد اللي يقدر يأثر عليها و يقنعها
فريده دخلت البيت تنادي علي عمتها
فريده زوزو ..زوزو يا ززز الاستاذ ناجي وصل
جرت زينب ترحب يناجي ولكنها تسمرت مكانه لوجود ضيف معاه
هدأت من شغافها .. اهلا وسهلا اتفضلو بس مين الاستاذ .. وقد لاحظت . اثار الچروح والحروق علي وجهه
ناجي اهلا زوزو اقدملك الاستاذ سليم ابراهيم الناشر الجديد اللي حتشتغل معاها ديدا
قالت زينب وعلي وجهها علامات الاستعجاب
بس انا وفريده حسمنا موضوع الشغل الجديد ده وانا قلت لفريدة راي والموضوع خلص
ناجي وهو. يبتسم
زوزو انتي حتسبينا واقفين كده احنا جايين من سفر فين كرمك .. انا حموت من الجوع
زينب
لامؤاخذة ما اختش بالي تعالي السفرة جاهزة عملتلك كل حاجة بتحبها .. بتتكلم وعنيها بتتفحص سليم و كأنها كاميرات
ناجي لكي يشد انتباه له .. زوزو اوعي تكوني ناسيتي ورق العنب ..
التفتت له زينب لأ طبعا هو انا اقدر دي اول حاجة عملتهالك
الټفت ناجي لسليم وقال
سليم تعالي حتاكل ورق عنب عمرك في حياتك ما حتاكل زية و لاصنية مكرونه بالبشاميل يا خړابي انا جعت مش قادر
زينب وعملالك بط بالفريك
ناجي لا لا قلبي لا يتحمل
جلسو علي السفر وبدأ زينب تقدم الطعام
وفي هذا الاثناء ذهبت فريده لحجرة اياد
فريده يويو حبيبي في ضيوف برا ممكن تفضل هنا علشان خاطري
إياد ليه بس يا ماما ده عمو ناجي واحشني خالص
فريده انا حدخلو يسلم عليك ويقعد معاك شوية اتفقنا
زياد اتفقنا انا حلعب شوية لحد متخلصي
فريده حبيب قلبي الفاهم.. بقي راجل
اعتمد عليه
طلعت فريده من غرفه اياد
ناجي فريده انتي فين الاكل حيبرد
فريده انا هو
ناجي بس فين حبيب قلبي ..
وقطع كلامة بمجرد أن بصتله فريده بأن يصمت
ولكن ماختدش بالها إن سليم هو الآخر لاحظ ما فعلته ولكنه .. لم يبين
جلست وتناولو الطعام بشهية ..
سليم شكرا مدام زينب الاكل فعلا روعة
جلسو جميعا لتناول الشاي. وبداء ناجي في كلام
ناجي زوزو افهم بقي عملالك بالو ليه
زينب ناجي شكلك جاي تتكلم في موضع سفر فريده انت عارف راءي كويس وأسبابي كمان.
سليم وبصوت هادء ممكن اعرف ايه هي اسباب حضرتك
عم الصمت علي مكان .
زينب وقد تغير لون وجهها من سؤاله الغير متوقع.
زينب اصل اصل .. زي ما حضرتك شايف احنا ساكنين في حارة صغيرة اللي بيكح في بيته .. اللي في اخر الشارع بيسمعة . وانت عارف ان كلام الناس هنا كتير ومحدش بيرحم وزي ما حضرتك شايف أننا اتنين ستات قاعدين لوحدهم
سليم وبنفس الهدوء محلوله يا زوزو اسمحيلي طبعا اندهك كده
زينب اتفضل يابني انا ارتحتلك من أو ما شفتك بس ڠصب عني كلام الناس سكاكين بتقطع في لحم الواحد قولي ازاي محلوله
سليم أعلن خطوبتي علي فريده
شهقات متتاليه عاليا من الجميع و توقف الزمن
الفصل الخامس
سليم أعلن خطوبتي علي فريده
شهقات متتاليه عاليا من الجميع و توقف الزمن
قامت زينب واقفة وقالت پحده
انت بتقول ايه يا استاذ وانت تعرف فريده منين علشان تقول عاوزة تخطبها واحنا نعرف ايه عنك متتكلم يا ناجي ساكت ليه
قال سليم بهدوء وثقة
ممكن حضرتك بس تسمعيني انتي مش عطياني فرصة اتلكم
أجابت زينب بنفس الحده
لا اسمعك ولاتسمعني طلبك مرفوض من الأساس وشغل معاك مافيش خلاص
رفع ناحي ناجي حاجبه الأيسر و بأسلوب حاد قال
زينب اقعدي بقي خلينا نعرف نتكلم من ساعة ما اقعدنا وانتي لوك لوك مش مخليا حد يعرف يتكلم
زينب
هو انا بقول ايه بس يا ناجي غلط
قطع كلامها ناجي
زينب اسمعي الكلام اللي حقوله ده خلاصت الكلام يعني مافيش كلام بعده فاهمة
ثم الټفت إلى سليم وقال
بص يا سليم فريده عندها ظروف تمنعها من الخطوبه دلوقتي
وانا عارف انك طلبت طلبك ده علشان خاطر توقف كلام الناس كتر الف خيرك
ويكون في معلومك رفض الخطوبه ملهوش علاقة بيك خالص أو بظروفك لا دي حاجة تخص فريده هي المفروض اللي تحكيها لك ده لو حصل نصيب
وانت في ايدك توافق أو ترفض مش دي مشكلتنا دلوقتي
احنا مشكلتنا الشغل و عمتها رفضة حكاية البيات برا البيت ودا حقها و المفروض ده الصح
بس دلوقتي فريده محتاجة للشغل ده واحنا مش حنكذب علي بعض صح يازينب وانت اكتر احده عارفه ده وليه
فريده حتنزل الشغل مع سليم حنبداء الشغل في الأماكن القريبة كلها و ترجع تبات في بيتها
ومعلش يازينب احنا حنقول مؤقت في الحته عندكم أنها مخطوبه لسليم علشان مقابلتهم حتكون كتير ومحدش يتكلم
نرجع بقي لشغل في الأماكن البعيدة ده مش حينفع دلوقتي غير لما يتفق سليم و فريده مع بعض و يبقي في شيء رسمي بينهم لكن قبل كده سفر لوحدهم لأ
اتفقنا يا سليم يمشي معاك كلام ده و لا نفض شغل و تشوف حد ظروفة تسمح للسفر
أجاب سليم مسرعا
لا كده تمام قوي وتسمحولي اقعد اتكلم مع فريده شوية في الشغل و سفر
ذهب سليم وفريده الي المكتبة
جلسا وبداء سليم بكلام
سليم
فريده بصراحة انا عاوزة أسألك سؤال
قطعة كلامة فريده انا اللي عاوزة أسألك انت ليه طلبت تخطبني انا مش فاهمة
يعني انت كل ما بتشتغل مع واحدة بتخطبها علشان كلام الناس
ولا كلام عمتي هو اللي خلاك تعمل كده لو علي عمتي هي مش بتبطل كلام
ومعلش يا استاذ سليم قفل بقا علي الموضوع ده وتعالي نتكلم في شغل
سليم وهو ينظر لها وعليه علامات حيرة فهو مجذوب لها بطريقة غريبة كأنه يعرفها من سنوات
وهي تسترجع حنين الماضي معه
فهما الاثنان في أمس الحاجة لبعضهم
فتحت فريدة الكمبيوتر وجلست بجانب سليم وبداء يعملان
وفجاءة تلامست ايدهم بلغلط ولكن ما اجمل
الغلط المسحوب بالاشتياق تلاقت أعينهم ويا لسحر القاء وكان كل واحد يحمل شوق سنين
قطعت فريده هذه الملحمة قبل أن تبداء
فريده سليم هو ممكن اسال سؤال هو اللي في وشك ده من أثر حاډثة
سليم فريدة هو ممكن منتكلمش في موضع ده دلوقتي ححكيلك كل حاجة بس لما ابقي مستعد اني احكي
فريده من الواضح أننا احنا الاتنين محتاجين نحكي
قطع كلامهم دخول ناجي
ايه ياشباب الاخبار
سليم تمام أن شاء الله خير اتفقت انا وفريده أن تقابلها بكرة علشان نحضر للسفر انا حجلها المكتبة و نستعد للسفر من هنا
ناجي تمام يلا بينا بقي يا سليم قبل الدنيا مضلم
سليم حاضر حسبق للعربية علي متخلص مع فريده
ناجي تمام ثواني وحصلك
فريدة استاذ ناجي انا ممكن اطلب منك طلب
انا مجبرة اصرف شوية فلوس من هبه مدام انچيل
بصراحة محتاجة لبس و شوية حاجات علشان السفر
ناجي واخيرا الفلوس بتاعتك يا فريده وانا سبق وقلت لك قبل كده اتصرفي فيهم زي ما انتي عاوة بس انتي اللي كنتي بترفضي
ونظر ناجي لفريده نظرات فاخصة
افم بقي علشان انا لو مفهمتش انتي عارفه اللي يحصل
اولا خبيتي ليه علي سليم انك عندك ولد
فريده علشان لو عرف اني عندي و ممكن يسحب الشغل مني ويفتكر اني ممكن أقصر في شغلي علشان خاطر اياد و انا محتاجه للشغل ده بس انا حقوله في اقرب وقت عن اياد
ناجي غير كده انا حاسس انك مايلة ناحية سليم اسمية ايه ده حب مثلا بس لحقتي انتم مشفتوش بعض غير مرتين لحقتي تحبية أمتي
ومتزعليش مني يا فريدة انتي بظروفك دي تفتكري ممكن تدخلي في أي علاقة
و كمان انتي متقبله شكل سليم اكيد شايفة حالته عاملة ازاي سليم بيتحرك علي عكاز
وكمان سليم بلنسبلنا غامض منعرفش عنه حاجة خالص فالاحسن ادي نفسك فرصة تعرفيه الاول و متهيقلي فترة الشغل دي حتقربكم من بعض صح
فريده بصوت مخڼوق
بصراحة يا استاذ ناجي انا مش عارفه اقولك اية ولا اجبهالك ازاي سليم في شبه كبير من زياد وانا شاكه أنه ممكن يطلع هو زياد
ناجي طبعا مستحيل الكلامه عقلك هو اللي صورلك ده لان باهتمام سليم بيكي رجعلك حنين وشوق لزياد لانه هو كمان كان مهتم بيكي علشان كده انتي بتشوفي صورة زياد في سليم ونفسك يطلع هو بس زي مقلتلك مستحيل
فريده ليه مستحمل انا بقولك انا عشرت اياد و عارفة طريقة كلامة لهجته أسلوبه حتي النفس بتاعة ريحتة وكل ده حساه في سليم واللهي يا استاذ ناجي انا حاسة نفسة هو زياد
في ست بتغلط في ريحة جوزها بس في نقطة مفقودة في النص هي ايه مش عارفه الشكل متغير لون العين كمان متغير مش عارفة اصدق مين احساسي ولا الواقع
ناجي الواقع طبعا انا زهقت
من سيرة زياد زياد زياااد ايه مبتزهقيش قلتلك ارمي الماضي ورا ظهرك بقي
زياد باعك باعك افهمي بقي انا سألت عليه زي مقولتيلي
عرفت أنه اتجوز من اربع سنين واحدة اسمها غاده و خلف بنت
عارف اتجوز غاده له علشان الفلوس زياد كان واحد
انتهازي اتجوز غاده علشان كانت بنت صاحب الشغل اتجوزها وكوش علي فلوسها
زياد مكنش يستاهل كل اللي عملتيه علشانه
مېت
فريده

اكيد انت غلطان زياد ميعملش كده انا اكتر واحده عرفاه زياد كان حد كويس قوي
قال سليم بعصبية مبالغ فيها
انتي