رواية حين تبكي الجدران للكاتب عادل عبد الله الحلقة ١١

سجا ئر تباعا بينما يظهر عليه التوتر بوضوح .
شروق انت هتفضل منور النور كده طول الليل
جاسر مش عارف انام .
شروق ليه
جاسر انا مش عارف ازاي اوافق علي جواز امي !! انا مكنتش متخيل الموضوع صعب بالشكل ده !!!
شروق بسخرية اطمن علي امك انا ابويا حنين علي الاقل مش هيمسك ايديها ويكتفها وياخدها ڠصب عنها !! واكيد مش هتكون في يوم تعبانة ويقولها مليش دعوة انا عايز حقي !!
جاسر ياااه !! انتي شايلة في قلبك اوي مني !!!
شروق فيه حاجات بتفضل معلمة جوه الانسان مش ممكن تتمحي ابدا .
مر ما يزيد عن شهر و بدأت شمس تتقبل الواقع علي مضض !!
بالرغم من محاولات رجب ان يظهر لها عدم اكتراثه بوجود نجوي في حياته الا انه حينما كان يدخل مسكنه معها كان يشعر بسعادة لم تمر عليه في حياته !!!
ياله من شعور بالانتصار قد اعماه عما تخبؤه له الايام !!
يستيقظ رجب و يتناول افطاره مع نجوي ثم ينصرف الي عمله وتستكمل نجوي نومها حتي توقظها دقات جرس الباب ظهرا .
تستيقظ نجوي وتفتح الباب لتجد ولدها جاسر ...
نجوي صباح الخير يا حبيبي تعالي ادخل .
جاسر عم رجب هنا ولا نزل
نجوي نزل من بدري كان بيقولي انه عايزك ابقي عدي عليه في الفرن .
جاسر حاضر هعدي عليه بعد شوية المهم انا جاي علشان اقولك ان ابويا المحكمة حكمت في قضيته النهاردة
نجوي حكمت بأيه اكيد مؤبد .
جاسر لأ المحامي شاطر وقدر يخلي الحكم خمس سنين .
نجوي وانت زعلان ولا فرحان
جاسر والله يامه مش عارف انا قولت اعرفك و بس .
نجوي طيب ياتري مين هيعيش لبعد خمس سنين لما يخرج نشوف هنعمل ايه تعالي يا حبيبي ادخل افطر معايا .
جاسر لأ انا نازل رايح القهوة وهعدي علي عم رجب اشوفه عايز ايه .
نجوي طيب مراتك عاملة ايه مش بشوفها خالص !!!
جاسر الحمل تاعبها يامه .
نجوي ربنا يقومها بالسلامة .
جاسر اخواتي فين
نجوي في المدرسة زمانهم راجعين .
جاسر وعاملين ايه مع عم رجب متضايقين من وجوده لما بييجي
نجوي لأ لما بيكون موجود بيدخلوا اواضهم يذاكروا عادي .
في الفرن ...
جاسر ازيك يا عم رجب امي كانت بتقول انك عايزني .
رجب ايوه يا جاسر يا ابني كنت عايزك في موضوع مهم ده انا حتي سألت عليك شروق وامك اكتر من مرة .
جاسر خير يا عمي
رجب خير يا حبيبي انا هخلص شغل واجيلك القهوة نتكلم احسن .
جاسر اللي تشوفه يا عمي انا هستناك .
في المقهي ...
جاسر خير يا عمي
رجب كل خير يا
ابني انت دلوقتي جوز بنتي و هتكون ابو حفيدي .
جاسر يضحك ايوه طبعا .
رجب علشان كده انا عايز اشوفك احسن واحد في الحتة كلها انما بصراحة حالك وحال القهوة