إسكريبت لين و عمر بقلم سمر علي

صوته بعمل إيه
أنت فاهمه كويس أنا فكرتك في الأول مرتبكة أو خاېفة بس لا أنت بتبعدي لدرجة إني بحس
إنك مش عايزاني و..
أنا فعلا مش عايزاك فياريت متحسش بكدا لا أنا عايزاك تتأكد!
بصتله ببرود ولاحظت الصدمة اللي علي وشه فبدأت أكل وتجاهلته
مسكت المعلقة بس هو مسك إيدي فجاءة
يعني إيه
سأل بهدوء
سبت المعلقه وشديت إيدي من إيده يعني أنا اتجوزتك ڠصب عني اتجوزتك علشان والدي اجبرني علي كدا
سكت شوية وبعدين وقف واتكلم طب وليه مقولتليش من الأول ليه مرفضتنيش ليه مقلتيش لا وقت كتب الكتاب أنت..
قمت وقفت قدامه ليه لأن الست مش زي الراجل في مجتمعنا أنا قلت لأهلي إني مش عايزاك وهم مقبلوش رفضي حاولت ابينلك اكتر من مرة بس أنت مكنتش بتفهم ومكنش ينفع أقولك وقتها بابا كان ممكن يعمل أي حاجه وارفض ازاي وقت كتب الكتاب إحنا مش في فيلم علشان أقوم أعمل كدا ميبقاش كل رجالة العيلة قاعدة واقوم أحرجهم بالشكل دا مكنش ينفع أقلل من بابا قدام أي حد حتي لو هو مهموش مصلحتي..
حسيت بإن صوتي بدأ يعلي فلفيت علشان أمشي من قدامه
مسك إيدي ولفني بصيتله لقيت ڠضب في عينه أول مره أشوفه كدا
وأنا ذنبي إيه ذنبي إيه في كل دا إيه اللي عملته يعطيكي الحق إنك تظلميني معاك
بصيتله لثواني وأنا شايفاه كدا
أنا كدا كدا ناوية على الطلاق فمتخافش هي فترة صغيرة وكل واحد يروح لحاله ولا كأن فيه حاجه حصلت
ضغطه علي إيدي زاد أنت مستوعبة أنت بتقولي إيه هنطلق امتي بعد أسبوع شهر شهرين أنت عارفة الناس هتقول إيه عليك لو اتطلقتي في الفترة الصغيرة دي
بصيتله پصدمة وسكت أنا إزاي مفكرتش..
طبعا مفكرتيش في كدا لأنك خدتي الموضوع على إنه لعبة وأنا طبعا اللي هتلعبي بيه في اللعبة دي!
ساب إيدي فرجعت لورا ومسكت في الكرسي الظاهر الفكرة كلها كانت غلط أنا إزاي كان تفكيري محدود كدا الموضوع مستحيل كان يبقي بالسهولة دي
حسيت بدموعي بدأت تنزل وسمعت صوت تنهيدة خارجه منه
لين أنت غلطي غلطة جامده وللأسف ضيعتينا إحنا الإتنين
ورغم إني مش عايزة أعترف إنه صح بس هو صح!
فضلت حابسة نفسي في الاوضة طول اليوم حاسة إن العالم اللي كنت ببنيه في خيالي اتهد ووقع فوقي أول مرة أحس بغبائي كدا أنا فكرت بابا ظلمني بس أنا اللي ظلمت نفسي وظلمت شخص تاني معايا ملوش ذنب في أي حاجه!
سمعت صوت خبط علي الباب
لين!
سمعت صوته فشديت الغطاء عليا أكتر
الباب فتح وسمعت صوت خطواته بتقرب وبعدها السرير نزل شوية فعرفت إنه قعد من الناحية التانيه
ممكن تقومي علشان نتكلم
قال بهدوء فقمت قعدت وبصيتله
إحنا لازم نعرف هنعمل إيه اللي حصل حصل الخناق مش هيغير حاجه ولا حتي الزعل
بص بعدها علي ورقة فى إيده ومدها ناحيتي
بصتله باستغراب وخدتها منه بصيت فيها وبعدين بصتله بعدم فهم هو لاحظه
بما إننا هنعيش مع بعض فترة كبيرة نوعا ما فأنا فكرت إننا نجرب حاجه وهي إننا نحاول نتقبل بعض
فتحت عيني علي وسعها إيه
زي ماسمعتي أنا مستحيل اخلي أول جوازة ليا تفشل من غير ما أحاول أخليها تنجح وبما إننا مطولين مع بعض فترة فإحنا لازم نحاول
اترددت بس..
مفيش بس أنت خدتي قرار غلط وأنا بحاول أصلحه من غير ما اجي عليك أو عليا أعتقد دا أبسط حقوقي
اتنهدت وبصيت للورقة
١لازم نتجمع على الأكل محدش يأكل لوحده لأي سبب