رباب السيد

ولكن كل شئ لم يتم كما تمنت ...فتمنت ريم لها الفرحة فقط وان تعيش سعيده حتى لو كانت بعيد عنها....

انتهى الفرح على سلام ولكن كانت ستحدث مشكلة بسبب رقصة العروسين لرفض عمرو الموضوع نهائيآ ولكن كلامه نفذ فى آخر الآمر .....

__________________________________________

ذهب عمرو وريم لمنزلهم تحت اصرار من ريم بالطبع. .....

عمرو مالك ياحبيبتى....

ارتمت ريم فى حضڼ زوجها وآخذت فى البكاء

عمرو ايه ياحبيبتى ليه كل ده....

ريم وهى تمسح دموعها حاسة ان مريم خلاص هتبعد عنى ......

عمرو ياحبيبتى ديه سنة الحياة انها تتجوز ويبقى ليها بيت.....

ريم طيب ما انا اتجوزت ومابعدتش

عمرو وياستى ان شاءالله هى مش هتبعد....

ريم يارب....

_______________________________

مر شهر واثنان وثلاثة وريم تقلق للغاية بسبب موضوع الحمل وكانت زوجة عمها فى كل زيارة تسألها عن سبب التأخير واحتمال ان يكون اجهاضها الأول سبب لها مشكلة وان ابنها ليس به عيب وكان كل هذا يجرح ريم كثيرآ ويجعلها تشعر بأنها ناقصة....وكانت الدكتورة دومآ تطلب منها أن تعيش حياتها ولا يشغلها شئ ولكننا لانعيش وحدنا.....

____________________________

تحدد زواج مريم وإبراهيم بعد شهرين وتقرر السفر لدمياط لشراء الموبيليا ....كان إبراهيم رافضآ تمام لسفر ريم ولكن مريم أوضحت له ان هذا الطلب صعب للغاية وخصوصآ ان عمرو سيذهب معهم.....

ركبت جميع السيدات مع ريم فى سيارتها من امها والعروسه وام العريس وأخته

اما مع عمرو فركب ابيه والعريس وأخوه ووالده....

ووصلو لدمياط ودخلو محل واثنين وثلاثة ولاحظت ريم ان معاملة أهل العريس لها سيئة للغاية حتى اختها لم تأخذ برأيها وكانت دائما تنصاع لأهل زوجها فقط....فملت ريم من كل هذا وشعرت ان وجودها غير مرغوب فيه ولم تستطع أن تتحمل اكثر بجانب انها تشعر انها ليس بخير....

ريم عمرو حبيبى هروح اصلى فى جامع هنا وهستناك هناك ولما تخلصوا ابقي اتصل ليا

عمرو مالك ياريم..

ريم السواقة تعبتنى ولسه هسوق لما نرجع ...عشان خاطرى...وافق وتابعنى فى التليفون

عمرو ماشي ياحبيبتى من غير رجاء....

________________________________________

ذهبت ريم للجامع فوجدته مغلق فذهبت إلى كافيه تجلس فيه وتأكل شيئا لعلها تتحسن.....ولكن بعد أن انتهت من الطعام ركضت إلى الحمام وافرغت ما فى معدتها....وقررت الذهاب لاى مشفى قريب....وهناك قررت الدكتورة عمل اختبار حمل لها اولآ.....

فظهرت النتيجة إيجابية ...

بكت ريم من الفرحة وكانت تريد ان ترى عمرو الآن وتسعده بهذا الخبر ولكنها أرادت أخباره بليلة خاصة من لياليهما....وايضآ ان تذهب لطبيبتها حتى تطمئنها انه لا يوجد اى مشاكل بهذا الحمل.....

تصدقت ريم بكل ماتحمله من أموال وذهبت للجامع وسجدت لله شكرآ على هذه النعمه ودعت الله كثيرآ أن يحفظه لها ......

__________________________________

لم تسأل مريم على اختها مطلقآ وكأن إبراهيم جعلها تستغني عن العالم بأكمله......

انتهوا من الشراء واتصل عمرو بريم....

عمرو حبيبي انت فين

ريم فى الجامع ياقلبى...

عمرو مالك صوتك كده مبسوطة

ريم حد يكون في الجامع ويبقى زعلان

عمرو عندك حق ......طيب تعالى عشان خلصنا وهنروح نتغدى....

ريم حبيبى طيب روحوا أنتو....

عمرو زودتيها على فكرة....اخلصى وتعالى

ذهبت ريم مضطرة الغداء معهم ولكنها لم تأكل شيئآ

والده العريس لريم ايه مابتكليش ليه ياريم...

اخت العريس تلاقيها قرفانة مننا .....ده انتى حتى شفتيها مشيت وماوقفتش معانا.....على فكرة ياريم كلنا ولاد تسعة

ريم وعمرو ينظرون لكلامهم بأستغراب

ريم لا ياجماعة معدتى تعبانة شوية...

اخت العريس بصى ياريم مابحبش اشيل حاجة فى قلبى...... حاساكى كده متكبرة ويوم الخطوبة كنت عمالة تتأمرى على كل الموجودين وعلينا

إبراهيم ايه يعني تتأمر ليه

عمرو بأنفعال ايه ياجماعة انتو سخنين على ريم كده ليه مافيش حاجة لكل ده.....

نظرت ريم لوجه اختها فوجدتها تترجها ان تجعل عمرو يهدئ......

ريم عمآ ياجماعة انا آسفة لو ضايقتكوا من غير قصد

عمرو رييم ايه

فهمست ريم لعمرو من فضلك عدى الموضوع ده...

ريم بعتذر مرة تانيه بس والله تعبانه والطريق طويل.....

إبراهيم ماكنتيش تعبتى نفسك...

ريم لو مش هتعب عشان مريم هتعب عشان مين...

انتهى اليوم والجميع عاد للقاهرة منهكين ولكن عمرو ان ينسى ماحدث فى المطعم.....

وبمجرد دخول عمرو البيت آخذ البنات على الغرفة فورآ

عمرو ايه بقا اللى حصل فى المطعم ده....موضوع ايه اللى بتقوليلى عديه انتى مش

سامعه بيتكلموا ازاى

ريم انت لسة الموضوع فى دماغك...

عمرو اصل الطبيعى مش هسمح لحد يهينيك. ....ان شاءالله حتى الخطوبه تتفسخ

فلم تستطع مريم تمالك نفسها وابتدت فى البكاء طيب ياعمرو ايه اللى حصل لده كله. ..

ريم حبيبى الموضوع أبسط من كده

عمرو لمريم ياااه حبيتيه فى شهرين آوى كده.....ومسكها من كتفها من الآخر انتى كنتى تعرفى الزفت ده قبل مايجى

ريم يووه ياعمرو انت مش عايز تنسى الموضوع ده....

عمرو ممكن تسكتى خالص.....بسألك آخر مرة كنتى تعرفيه....

مريم طيب سيب ذراعي ....

عمرو حاضر

فجرت مريم خلف ريم وقالت ريم ارجوك ياعمرو كفاية

عمرو ريييييم ماتخلنيش اتغابى عليكى....انطقى يازفته...

مريم پخوف آه

عمرو من امتى

مريم وهى تبلع ريقها من اخر شهرين فى الجامعه

وهو يجذبها من خلف ريم وانتى بتستغفلينى

ريم عشان خاطرى كفاية.....

فمسك عمرو ريم من يدها ليخرجها من الغرفة

حتى قالت ريم بالراحة عليا انا حامل .....

عمرو حامل

البارت الثامن والعشرين

فى بيت العائلة

ينظر عمرو إلى زوجته ويكاد لايصدق ماسمعه

عمرو انتى بجد حامل!!!!

ريم والدموع فى عينيها آه والله...

احتضن عمرو ريم بشده وسالت دمعه على خده وقال الحمد لله ربنا عوضنا خير ربنا يخليكى ليا....

ريم ربنا يخليك لينا .... عشان خاطرنا ماتعملش حاجة لمريم....

عمرو انت تؤمرينى

في ذلك الوقت كانت مريم ذهبت لتبشر والديها فأتت الام مهروله لولولولوى مبروك ياحبيبتى ....ربنا يتمم على خير

عمرو اقعدى على السرير وارتاحى وهروح اصلى ركعتين.....

الام لريم حبيبتي ريحى نفسك ....ومافيش شغل لحد الحمل مايثبت....وتركتهم وذهبت لتصلى ايضآ

مريم مبروووك ...واسفة على اللى حصل فى المطعم. ..بس إبراهيم والله طيب بس انتو لسه ماتعرفوش بعض....

ريم يابنتى مافيش حاجة انسي

مريم لأ مش هنسى انتى نسيتى ممنوع زعل نهائي ...افرحى وبس

ريم انتى لسة فاكرة ....

مريم أنتى اختى استحالة انسى ليكى اي حاجة ....فمش عايزاكى تزعلى ولما باجى عليكى عشان عارفة انك هتستحملينى بس انا بجد بحب إبراهيم ومش هقدر اعيش من غيرة بدعى ربنا فى كل ساعة انه يعدى الشهور ديه على خير وابقى مراته وفى بيته

ريم ربنا يتمملك على خير...

مريم وانتى كمان ياقلبى. ..ولو بنت مريم ماليش دعوه

ريم نو انا عايزه ولد ويطلع راجل زى أبوه

مريم ان شاء الله....هسيبك بقا واختفى عشان ابعد عن وش عمرو ...

_________________________________

تسند ريم رأسها على كتف عمرو.....وهما يشعران بسعادة ليس لها مثيل

عمرو كلها كام شهر وهبقى أب. ..

ريم وانا هسمع خلاص كلمه ماما ...

عمرو ده انتى هتبقى احن أم فى الدنيا....بس ياخوفى اول ما ابنك يجي اتركن انا ع الرف....

ريم انت ابن قلبى ....وعمرك ماهتتركن ع الرف ....ده حياتنا من غيرك مالهاش لازمة ...ربنا يخليك لينا ...

عمرو آه على كلمه لينا ديه ....ليها إحساس حلو....آخيرآ بيت كامل....بصي بقا مافيش شغل لحد ماتقومى بالسلامه ماشى

ريم انا كده كده هروح للدكتورة بكرة عشان اطمن وكده

عمرو اسمها هنروح مافيش مرة هتروحى لوحدك ابنى وعايزة اطمن عليه

ريم بحبك ياعشقى

عمرو لا وحياة ابوكى انتي لسه في اول الحمل ومش عايز اتهور. ...

ريم تتهور ايه...

عمرو اصل امى ادتنى الوصاية العشر ومنها انى ابعد عنك شوية لحد البيبى مايثبت....بس تعويض بقا ماتبعديش عن حضنى طول الليل

فقبلته ريم فى خده بحبك....

________________________________

ذهب عمرو مع ريم عند الدكتورة

الدكتورة كل شئ تمام وزى الفل. ..وزي ماقلنا يامدام ريم اهم حاجة الحالة النفسية

ريم طيب هو الشغل فيه مشكلة ...

الدكتورة بصى انك ترتاحى فى البيت اضمن وممكن من الشهر الرابع تنزلى عادي يعني كمان شهرين....

عمرو وصيها يادكتور عشان هى مش هتسمع كلامى

الدكتورة بالعكس مدام ريم من المرضى المثالين عندى بتنفذ دايما تعليماتى وزى ماقلنا اهم من الراحة الحالة النفسية

_____________________________________

بالفعل تركت ريم العمل لكى تحافظ على جنينها فهي أن تتحمل ان يحدث شئ مرة آخرى....

وكان هذا الحمل حجة مناسبة لريم بالا تشترك في اى شئ يخص زفاف اختها ....

ودخلت ريم فى الشهر الرابع وكانت متشوقة لان تعرف نوع جنينها......

واتصلت بعمرو لتذكره بميعاد الدكتورة ولكن سكرتيرته هى التى ردت عليها

ريم الو ....ايوه ياعمرو

منى السكرتيرة ايوه حضرتك البشمهندس عمرو فى اجتماع. ..

ريم هو ازاي تردى على تليفونه...

منى عادى يافندم.....المهم في ايه حاجة ابلغها له. ...

ريم عادى ....طيب بصي ياحجة لما يجي خليه يكلمنى ضرورى

منى حجه..... انا اسمي انسه منى لو سمحت

ريم انتى هتعلمينى اتكلم ازاى....انتى تقولى حاضر وبس......

واغلقت الهاتف في وجهها.....

ذهبت ريم للدكتورة وانتظرت عمرو لآخر العيادة ولم يأتى ....فدخلت بمفردها

الدكتورة عاملة ايه.

ريم بحزن تمام الحمد لله كل حاجة كويسه وطبيعية

الدكتورة جاهزة تعرفى ....

ريم آه ...

الدكتورة انت عايزة ايه !!!

ريم ولد عشان يطلع لابوة

الدكتورة صح هو فين

ريم بحزن عنده شغل ...

الدكتورة ريم مش كل شوية هأكد عليكى اهم حاجة انك ماتزعليش ....حاولى ماتفكريش فى الحاجة اللى تضايقك....

وياستى الف مبروك ولد....وماشاء الله حجمه طبيعى....

ريم بآبتسامة الحمد لله

________________________________

فى طريق العوده للمنزل لم تتمالك ريم نفسها حينما رات محل لبيع مستلزمات الاطفال فنزلت وتبضعت قليلآ حتى وجدت هاتفها يعلن عن اتصال من زوجها

عمرو الساعة

عشرة انتى فين

ريم نص ساعة وهكون عندك سلااام. ...

أغلقت ريم الهاتف سريعآ كانت لا تريد لاى شئ ان يعكر فرحتها.....

وصلت لمنزلها الساعه الحادية الإ ربع وجدت عمرو ينتظرها وهو يستشيط غضبآ....

عمرو كنت فيننازلة عشان تتسوقى وتتدلعى ومن غير اذن وكمان راجعه متأخر...بصي يامدام حملك مش مبرر لدلعك...

ريم بزهق من غير كلام كتير النهاردة كنت عند الدكتورة..

عمرو وكل حاجة كانت تمام

ريم الحمد لله

عمرو طيب ما اتصلتيش ليه تفكرينى اجى معاكي

ريم المفروض ما اتصلش بس انا اتصلت ومنى بتاعتك ردت عليا

عمرو كان عندى اجتماع ....بس ايه اللهجة اللى بتتكلمى بيها ديه ....منى بتاعتي ايه وأرف ايه....

ريم هى ايه اللى يخصها ترد على تليفونك

عمرو تقريبآ سكرتيرتى. ...

ريم الكلام ده فى تليفونات الشغل.....ما انت اصلا طول عمرك شغال من غير سكرتيرة أية اللى جد...

اقترب عمرو منها واحتضنها بتغيرى عليا ياموزتى ...

ريم تصبح خير...

عمرو على فكرة انا ماكلتش .....

ريم ماخلتش مها تحضرلك الاكل ليه ....

عمرو انا جيت لاقيتها مشيت....وحتى لو كانت موجوده ماكنتش هخليها تحضرة انا جوزك انتى مش هى.....مش كفاية من ساعة ماجت ماكلتش من ايديكى

ريم عمرو مش وقته مناقشة.....ثوانى وهيكون العشا جاهز.....

رتبت ريم السفرة وجلس زوجها وهمت لتدخل غرفتها

عمرو انتى رايحه فين

ريم هدخل انام ....

عمرو على فكرة انا طول النهار في الشغل....

ريم وانا تعبانه عن اذنك.....

تضايق عمرو من فعل ريم كثيرآ......فهو كان مشتاق لها كثيرآ.....ولكنه كان يراعى حملها.....انتهى من طعامه ورفع السفرة ودخل ليستلقى بجانبها.....

_______________________________

تعودت ريم الذهاب للدكتورة بمفردها فعمرو أصبح مشغولا للغايه ولا يأتي البيت الا متأخرآ ووالدتها ومريم كانو مشغولين تمامآ بتجهيز شقه مريم......وهذا ماجعلها