رباب السيد

اللى رجعت ليا الحياة مجرد وجودك فى حياتى ادانى نصيبى وسعادتى من الدنيا ديه

أدهم بحبك اوى اوى اوى ....

وابتدا رحلة عشقهم مرة آخرى استغلا كل دقيقة وهما بمفردهم ...

_______________________________

جاءت حنة اميرة كانت للبنات فقط ارتدى الجميع السارى الهندى ...

وقفت ريم ترقص أمام الجميع فعلقت اميرة

اميرة ايوة يامرات اخويا ياعسل انتى ... فينك يا أدهم

ريم اوعى تقوليلوا ...

اميرة انتى تؤمرى .. ولكن اميرة مسكت هاتفها وصورتها بنيه ان تريها لادهم كانت الحنة فى شقة أدهم وكانت السعادة تملأ قلوب الجميع وحضرت مريم حتى الدكتورة شذي أيضا وظلوا يرقصون طوال الوقت...

وانتهت الحنةواجتمع الجميع فى شقة ام أدهم

ريم خلاص ياموزة بكرة هتتجوزى

ام أدهم بلاش تفكرينى مش عارفة هعيش من غير اميرة ازاى

فقبلت اميرة رأس والدتها ربنا يخليكى ليا ... ومين قالك انى هبعد دول أسبوع وآجى الزقلك هنا .. أدهم عيزاك ثوانى

ريم خير ..

اميرة انتى مالك

فخپطها أدهمعلى رأسها احترمى نفسك

اميرة على فكرة انا عروسة المفروض تدلعونى كده مش تضربونى

فحملها أدهم ورماها على الكنبة وأخذ يدغدغها كده حلو

اميرة هههههههه ... خلاص كفاية ھموت ...

تعالى بجد هوريك حاجة ... أمسكت اميرة الهاتف

ريم انتو بتتفرجوا على ايه ..

اميرة ديه الحنة

ريم هو احنا مش قلنا مافيش تصوير

أدهم بس ديه موزة جامده جدا ...

ريم نعم !!!!! انت بتهزر واقتربت من أدهم فمسكها من زراعها واجلسها على رجليه

أدهم احلى موزة فى الدنيا ..

فنظرت ريم للهاتف فأحمر وجهها وتلعثمت فى الكلام انتى انتى... بتهزرى يا اميرة ...

أدهم هو عيب فعلا خدى يا اميرة نزليه ع اللاب وامسحيه من عندك

ريم وهى تحاول ان القيام من على رجليه تنزل ايه .. البتاع ده يتسمح

أدهم اسمعى الكلام يا اميرة

اميرة من عنيا ياكبير

ريم انت بتهزر

ام أدهم والله يابنتى كنتى زى القمر وانا عمالة امسك الخشب وأكبر والستات هيكلوكى بعينيهم

أدهم ماتخفيش ماهى آخر مرة هترقص فيها

ريم احنا كنا ستات بس ...

أدهم ولا ستات ولا رجالة ... وهمس فى اذنها بعد كده الرقص ده ليها لوحدى ...

فشهقت ريم اسكت ماما قاعده

ام ادهم تصبحواعلى خير

ريم طيب هاتى ريما ..

ام ادهم لا خليها السرير مش هيقضيكوا

أدهم سرير ايه هو احنا هنام هنا

ريم اه عشان الشقة فوق مقلوبةوكمان مها بايته فوق

أدهم واية المشكلة !

ريم المشكلة انى مش هعرف انام والشقة كده ..

ام أدهم طيب ادخلو ناموا عشان بكرة اليوم طويل

ريم حاضر يا امي تصبحى على الف خير ولوريما قلقتك ناديلى ع طول

اميرة كله تمام ياكبير ادخل بقا اشبع من قوضتى شويه..

ريم طيب اصبرى انا جاية وراكى ...

أدهم رايحه فين

ريم ادخل نام وهحصلك ...

دخلت ريم واميرة غرفة الأخيرة ليرتبوا يوم غدا وتأخذ منها مفاتيح شقتها لأنها تريد ان تفاجئها بهديه .. حاولت اميرة معرفة الهديه ولكن ريم رفضت وبشده

دخلت ريم لزوجها ووجدته يشاهد الفيديو الخاص بها

ريم برده ... امسحه بقا بليز

أدهم انسى ياقمر ... وبعدين احنا كنا لسة مع بعض ماشفتش جو كده ولا كده..

ريم بكسوف جو ايه انسى ... مش معاك الفيديو كفاية عليك

أدهم وهو يقترب منها وحياه ربنا ابدا لازم لايف ولا تدور على حد تانى

ريم اتلم ...

أدهم ياقلبى انا ماليش غيرك ... واه بكرة فى الفرح مش عايز رقص ولا هز

ريم لا ياحبيبى مش تقلق

أدهم احبك واموت فيك وانت

بتسمع الكلام ... وريم الميكب يبقى هادى بلاش أوفر انت كده كده قمر من غير حاجه

ريم وهى تخضنه ربنا يخليك ليا ... ويلا بقا عشان عايزه انام...

___________________________

ومر الفرح بسلام أعجبت اميرة كثيرا بهدية ريم فقد جهزت لها الشقة وغرفة النوم بالأخص بطريقة رومانسية بالإضافة إلى أسبوع فى الغردقة هديه منهم قضاء 3ايام فى مركب وسط البحر ...

______________________

قامت ريم بتوضيب غرفة ادهم لاسربمفرده واحضرت فيها الكثير من الألعاب وهو يعشق كرة القدم فكل شئ فيها كان يخص هذه اللعبة من حيث الديكور والأثاث فاعجب بهاآسر كثيرآ واصبح لا يفارقها حتى أدهم حاول أن يتقرب منه وتحسنت علاقتهما كثيرا واصبح يشعرانه ابنه أصبح لايذهب لاى مكان الا معه ... وسعدت ريم لهذا

انتظمت ريم فى عملها مره أخرى وفى احد الايام كانت ذاهبه لزوجها كالعاده

ريم للسكرتيرة حد مع ادهم جوه

السكرتيرة البشمهندسة ريماس

دخلت ريم قصدا دون ان تطرق الباب فسمعت ريماس وهى تقول

ريماس فهمنى بس السبب يا أدهم اللي يخليك تتجوز ..

أدهم وهو يحس بأحراج شديد ريم ...!!!

ريم ان شاءالله كاكونش قطعت حديثكم

ريماس لايا بشمهندسة... انا كنت ماشية

ريم ليه كملى كلامك كنت سامعه بتتكلمى على موضوع جواز وكده ...

ريماس احم ... لا ده انا باخد رأى أدهم فى حاجة ما انتى عارفة احنا صحاب قريبين ...

ريم اه اكيد.... يعني اخرج

ريماس لا هبقى أكمل بعدين .. عن اذنكوا

ريم لادهم ها

أدهم وهو ينظر فى الأرض ها ايه

ريم عايزة افهم ايه اللى بيجرى وامتى بقيتوا صحاب قريبين وبتتكلم بأسلوب مش عاجبنى..

أدهم مافيش ياريم ما انتى عارفة اننا كنا صحاب ...

ريم وهى تضع يديها فى جنبها صحاب بس المفروض فيه حدود بص يا أدهم فهمنى كل حاجة بدل ماتلاقينى اتصرفت تصرف مش هيعجبك ...

أدهم بعند اللى هو ايه !

ريم ساعتها هتشوف ...وتركته وذهبت

زفر أدهم فى ضيق وجلس على كرسيه وعاد بذاكرته لخمس عشر عاما ...

فى كافيتريا الجامعه ..

ريماس أدهم انت المفروض تيجى تخطبنى

أدهم ريماس احنا اصلا مالحقناش وبقالنا بس شهرين نعرف بعض وانا لسه مش جاهز لجواز وخطوبه دلوقتى ...

ريماس يعنى انت بتلعب بيا

أدهم بلعب بيكى !

ريماس اه حبيت اننا نقرب من بعض وادينا قربنا ها وبعدين ...

أدهم وبعدين المفروض نتخرج وبعد كده تشوف موضوع الجواز ده

ريماس براحتك ... انا متقدملى عريس واهلى موافقين ومش نافع ارفض

أدهم وانا ماقدرش دلوقتي انتى عندك عشرين سنه ماكبرتيش يعنى

عوده للوقت الحاضر ..

أدهم لنفسه الظاهر ان لازم احكيلك كل حاجة ياريم بس والله انا مافيش حاجة جوايا ومن زمان

ذهب أدهم لمنزله وهو قرر ان يحكى لريم كل شئ

اما ريم فكان قلبها لا يستريح إطلاقا لتلك التى تدعى ريماس فهى تأخذ راحتها مع أدهم أكثر من اللازم وقررت رفدها نهائيا دون الرجوع لأدهم. .

يجلس أدهم مع زوجته وابنه وريم تطعم ابنته الصغرى ...

أدهم ماقولتيش انك مروحه

ريم بدون نفس هتفرق ...

أدهم مالك كده !

آسر والله يابابا ماما من ساعة ماجت وهى عمالة تخبط وتزعق وتيته كانت رايحه عند خالتو وقالت لا ... واحنا اصلا فى اجازه

أدهم ليه ماخلتهوش يروح

ريم بزهق هو اى حد هيخرج هيشبط فيه المفروض كبر

أدهم طيب بالراحة على نفسك

ريم عن اذنكوا ...

أدهم ايه ياحجه

ريم شبعت ...

أدهم لآسر شكل الموضوع كبير

آسر اه والله شكله كده بص يابابى انا هدخل ارخم عليها شويه ... مامى يامامى

ريم لابنها تعالى انا فى اوضه اختك

قفز آسر فى حضنها . على فكرة بحبك بس انا عايز اخرج اتفسح شويه

ريم بس الوقت اتأخر

أسر خلاص بكرة

ريم بس انا بكرة عندي حاجة مهمه فى الشغل

أسر بصي بقا آسر كبر انه يعيط بس لو بتحبينى هتخرجينى...

ريم بقولك...

ولكن تتدخل أدهم حاجه ايه المهمه عندك بكرة

اللى اعرفه مافيش حاجة

ريم مش مهم تعرف

أدهم آسر اخرج شويه معلش ... اقولك روح ظبط البلايستيش وهجيلك

خرج آسر فاكمل أدهم أولا قدام الولد أسلوبك يبقى حلو ... ثانيا ايه اللى حاصل مستاهل انك تكونى مضايقة كده

ريم تمام استعبط براحتك وانا همشى معاك ... ريماس كانت بتكلمك فى ايه الصبح !

أدهم اوف يادى زفته .. ماتكبرى دماغك منها ..

ريم ما انا هكبر فعلا ... بس بطريقتي

أدهم هتعملى ايه

ريم هنعرف مستعجل على ايه

أدهم ريم انا مش عايز هبل ... احنا فى شغل

ريم والله انت اللي سمحت انها تبقى حاجة شخصية

أدهم بزعيق آخر مرة ياريم ناويه ع ايه

ريم بالراحة عشان البنت واللي هعمله انى هرفدها

أدهم ياراجل بدماغك كده وانا ايه ماليش لازمه

ريم مش انا شريكة فيها

أدهم بس انا المسئول ده المفروض...

ريم وانا عايزة ابقا المسئولة انا كمان ايه المشكلة

ادهم ريم احنا مابنلعبش ... واللى بتقوليه ده لو انتفذ صدقينى هتزعلى منى اوى

ريم والدموع فى عينيها قد كده مش هتقدر تبعد عنها

أدهم ماتسخفيش الموضوع ... الفكرة انك تتحكمى فى شغلى من غير اذن لا وماكنتيش هتخدى رأى وديه حاجة مش هقبل التهاون فيها... عن أذنك ..

خرج أدهم من عند ريم وهو يأنب نفسه على تلك المعامله لماذا لم يتخذها فرصة لكى يحكى لها كل شئ ... ذهب عند آسر وانشغل معه فى اللعب ثم ذهاب للنوم. ..

أدهم ريم انتى نمتى ...

ريم آسر نام ..

أدهم اه نام ... ريم انا فيه حاجة عايز أحكى عليها بس خاېف تفهمى غلط كعادتك

جلست ريم اتفضل اتكلم من غير مقدمات ..

أدهم اللى اتكلمت فيها من شويه ده مبدأ بتكلم فيه ان مايمنعش اى حاجة انا طرف فيها تاخدى قرارها لوحدك .. تمام

ريم تمام وحضرتك وضحت كده من شوية وانى مش لازم اتدخل او احافظ على بيتى ..

أدهم وهو يأخذ ريم فى حضنى روما انا بحبك وماحبتش غيرك .. ومافيش حد مهما كان يقدر يفرقنا مش ضعيف وانتى عارفة واقدر اسيطر على نفسي حتى فى الحب فبالك لو مع حد مش بحبه. .

ريم يعنى ريماس بتحبك

أدهم مش بالظبط .. هى بس مدية لنفسها حق تدخل فى حياتى عشان المعرفة القديمه مش اكتر ..

ريم ليها حق تسألك اتجوزنى ليه وانت كمان مش ترد عليها تقولها بحبها لا سكت

أدهم أولا هى ماكملتش كلامها عشان ارد ..وهى مالهاش حق وانا كنت هوضح ده ريم انا فى حياتى مابتكسفش ...

ريم بس قلبى مش مرتاح يا أدهم

أدهم قد كده بتحبينى

ريم ريماس بتحبك ...

أدهم مش حب ..

ريم متأكد ليه

أدهم اللى بينا انتهى من سنين

ريم وقد قامت من على سريرها يعنى كان فيه حاجة مابينكو وانا كل ما اسألك تنكر ..

أدهم ريم اللى بينا مالحقش كانت مجرد علاقة وانا بدرس وهى كانت عايزة خطوبة والتزام وده كان صعب

ريم يعنى كنت بتلعب بيها

صمت أدهم قليلا ... ثم أكمل اكيد لأ بس هى كان مجرد حد لفت نظرى ولم ينهى أدهم كلامه حتى تركته ريم وذهبت للخارج

أدهم ريم استنى ...

ريم من فضلك يا أدهم مش عايزة اسمع حاجة ..

أدهم ريم اللى يهمك انى مش حبتها .. وحبيتك انتى ..

ريم بس انت كدبت عليا .. ومن

زمان

أدهم ماكنش فى بالى الموضوع والله وحياتك عندى

ريم طيب أدهم بليز سيبنى لوحدى .

أدهم ياريم..

ريم وحياة ربنا سبنى لوحدى .. دخلت ريم غرفة ابنتها وقررت ان تبيت هناك

ذهب أدهم واستلقى على السرير