روايه حبيبي المحامي

رأسها معترضة وهي تقول بجدية
لأ يا ماما خليهم نايمين أحسن ده حتى نوم الظالم عبادة
غمغمت إيناس قائلة بفرحة
اه والله
لاحقا في سيارة مسعد
استقل باسل سيارة رفيقه وجلس إلى جواره ثم جاب الاثنين الطرقات بها دون وجهة محددة
تساءل باسا بتعجب وهو محدق في الطرق أمامه
ايه يا بني انت رايح بينا على فين
أجابه مسعد بفتور وهو يهز كتفيه
ولا حتة
تعصب باسل قليلا وهو يرد عليه ومشيرا بيده
ولا حتة يعني مدوخنا من صباحية ربنا في الزحمة وأخد الشوارع لف ودوران وفي الأخر تقولي ولا حتة
أخذ مسعد نفسا عميقا وزفره على مهل ثم تابع بهدوء
بص هما طرأوني طردوني من البيت عشان يعرفوا يظبطوا للعيد ميلاد على راحتهم وأنا قولت أعوم على هواهم وأعمل فيها عبيط وأفظل كده صايع لحد ما أرجع البيت
رد عليه باسل بتذمر
طب وأنا ذنب أهلي ايه
ابتسم له مسعد ببرود وهو يقول
ما انت صاحبي
زفر باسل بإنهاك ثم رد على مضض
ماشي يا مسعد
رن هاتف
مسعد في جيبه فدس يده محاولا إخراجه منه ثم نظر في شاشته وقطب جبينه في عدم فهم للكلمة المكتوبة عليها فمرره إلى رفيقه وهو يتساءل بحيرة
شوف الاسم المكتوب ده
قرأه باسل بصوت مسموع
ده برايفت نامبر رقم خاص
ثم الټفت إليه وسأله بجدية
هو انت تعرف حد عند رقم خاص يا مسعد
أجابه الأخير بإندهاش
ولا عام وحياتك
أصر باسل على أن يجيب هو على تلك المكالمة الغريبة
طب ما ترد
زفر مسعد مرة واحدة وهو يقول
ماشي
ألو
صمت للحظات ليستمع إل الطرف الأخر ثم أوقف السيارة فجأة فانتفض باسل في مكانه كردة فعل وحدجه بنظرات حادة
تابع مسعد قائلا بنبرة رسمية للغاية
تمام يا فندم أكيد
ظل باسل محدقا به بإستغراب والفضول يعتريه لمعرفة ما الذي يحدث خلال تلك المكالمة ليجعل حال رفيقه يتبدل سريعا للجدية والقلق
أكمل مسعد قائلا بنبرة جادة
تحت أمرك يا فندم هانكون عند سيادتك حالا
أنهى المكالمة دون أن يضيف كلمة زائدة فسألة باسل على الفور
في ايه ومين كان بيكلمك
الټفت مسعد ناحيته ونظر له بنظرات منزعجة ثم أجابه بقلق
دي مكالمة جاية من فوق فوق أوي أوي أوي
في منزل مسعد غراب
بعد تفكير متعمق منها قررت إيناس أن تفعل ما لم ترغب في تعجله ولكنها فرصتها الليلة لتحقيق اڼتقام أخر ورد كرامتها وكبريائها المهدرين
خاصة أنها لن تجعل أي شخص يشك فيها فتلك المناسبة تتيح للجميع الظهور بهيئة حسنة وبالتالي لن يشك فيها أي أحد من أفراد العائلة وستستعيد بجدارة ثقتها بنفسها
لذلك طلبت من سابين بحرج كان باديا عليها أن تساعدها في تحسين مظهرها الأنثوي الليلة لتكون في أبهى صورها
ابتسمت الأخيرة لها وردت بهدوء
شور أكيد إنتي قولي إيناس من غير كسوف
ربنا يخليكي يا سابين بجد مش عارفة أقولك ايه أنا يهمني النهاردة أكون مختلفة خالص ومش مهم لو رجعت زي ما أنا بعد كده
مطت سابين شفتيها للجانب ونظرت لها بتعجب قليل ثم سألتها بفضول
ممممم إنتي آوز تكوني زي سيندريلا
التوى ثغر إيناس بإبتسامة خفيفة وهي تجيبها بخجل
يعني حاجة زي كده
ربتت سابين على ذراع إيناس وأومأت برأسها وهي تقول بهدوء رقيق
أوكي مش تقلقي أنا أساعد إنتي
مدت إيناس يدها لتمسك بكفها واحتضنته بين راحتيها واتسعت ابتسامتها السعيدة وهي تردد
ثانكس يا حبي
تساءلت سابين بإهتمام وهي تضع إصبعها على شفتها السفلى
ها تهبي تحبي تلبسي حاجة معينة ولا أنا give you one of my dresses أعطيك أحد فساتيني الخاصة
هزت كتفيها في حيرة وردت بنبرة عادية
زي ما انتي عاوزة
تابعت سابين قائلة بنبرة مهتمة وهي تعبث بمحتويات حقيبة ملابسها
بصي إيناس أنا عندي new dress فستان جديد مش إلبسه before قبل هذا إنتي can use it ممكن تستخدميه
اتسعت حدقتي إيناس في إنبهار وارتفع حاجبيها للأعلى وهتفت بعدم تصديق
بجد
هزت سابين رأسها بإيماءة خفيفة وهي ترد عليها
شور
قفزت إيناس في مكانها بسعادة وهتفت بتهليل
بجد إنتي أحلى واحدة قبلتها
رسمت سابين على وجهها علامات الجدية ومطت فمها لتقول بإهتمام
بس first الأول انتي need محتاجة نعمل شوية ميك آب وماسك عشان بشړة
ثم أمسكت بذق وجه إيناس وأدارته للجانبين لتتفحصه بدقة فردت عليها إيناس بحماس
اعملي اللي انتي عاوزاه
أنا من ايدك دي لأيدك دي
ابتسمت سابين قائلة بود
أوكي
وبالفعل بدأت الفتاتين في مهمة إعداد وتجهيز إيناس لتصبح آنسة جميلة وحسنة المظهر بأبسط الأدوات
في مكتب ما بجهة سيادية
وقف كلا من باسل ومسعد في مكانهما في وضعية الإنتباه الشديد أمام ذلك القائد العسكري الذي أرسل في طلبهما
أشار لهما بيده قائلا بهدوء
اتفضلوا
نظر لهما القائد بتفرس قبل أن يتابع بصوت جاد للغاية
أكيد إنتو مش محتاجين تخمنوا أنا جايبكم هنا ليه
تنحنح باسل بصوت خفيض للغاية قبل أن يرد بهدوء
تمام سعادتك
بينما أضاف مسعد بجدية
أكيد سيادتك
ساد صمت قليل بين ثلاثتهم قبل أن يقطعه القائد فجأة بصوت آجش
الشاهدة سابين
انتبه مسعد لجملته وتساءل بحذر
مالها يا فندم
رد عليه القائد بتساؤل
مين سمحلها تتواجد عندك في البيت
فقد كان يعتقد أن مسألة وجودها بمنزل عائلته لا يعرف عنها أي شخص
لذلك ازدرد ريقه بقلق وظل صامتا محاولا البحث عن إجابة مقنعة ومبررة لفعلته
قطع عليه القائد شروده قائلا بجدية
عاوز أفهمك إن وجودها في بيتك ماينفعش من الأول لكن عشان ظروف ۏفاة الفريق ضياء ولخبطة الأمور بعدها أنا اضطريت أتغاضى عن ده مؤقتا لكن لازم الشاهدة تتنقل لمكان أئمن من عندك
وكأن كلماته كالسيف الحاد الذي يذبحه ببطء
هو أراد أن تظل باقية معه في منزله ليس ليوم أو اثنين بل للأبد فقد إعتاد عليها في حياته وخفق قلبه لها
نعم كان يكن لها مشاعر رقيقة وحقيقية واستشعر بإحساسه أنها تبادله نفس الإحساس حتى وإن كان بحذر
ابتلع ريقه بصعوبة واجتهد للحفاظ على ثبات نبرته وهو يقول
اللي تؤمر به سيادتك
أشار له القائد بيده وهو يأمره بصرامة
جهز الشاهدة خلال يومين بالكتير هتتنقل لمكان تاني قبل ما تسافر
هز مسعد رأسه بإيماءة خفيفة وهو يقول بخنوع
حاضر
حاول هو أن يخفي تلك المشاعر الحزينة التي بدأت في الظهور قسمات وجهه فقد تعلق في مطار ما دولي
ألقى الرجل حقيبة الظهر على كتفه ثم تحرك بثبات في إتجاه الصالة الداخلية للمطار وتابع حديثه الهاتفي بصوت قاتم
أنا في طريقي إلى هناك
صمت لثوان قبل أن يستأنف المكالمة قائلا
نعم انتهيت من الإجراءات وسيلحق بي البقية خلال يوم
هز رأسه بإيماءة خفيفة وأكمل بهدوء
لا تقلق سأهاتفك حينما ننتهي تماما من أمرها
التوى ثغر ذلك الرجل بإبتسامة واثقة وهو يكمل خطاه ثم وضع هاتفه في جيبه وضبط وضعية حقيبة ظهره
في أحد المقاهي الحديثة
أسند النادل فنجاني القهوة السادة على الطاولة وكذلك كوب الماء ثم انصرف مبتعدا
حدق باسل في رفيقه الشارد لبرهة

من الوقت ثم سأله بجدية
انت هاتعمل ايه
رد عليه بعد تنهيدة مطولة حزينة
مش عارف
سأله باسل بفضول
إنت مضايق إنها ماشية
أخرج مسعد نفسا ثقيلا محملا بالهموم وأجابه بنبرة شبه حزينة
مكدبش عليك أه
رد عليه باسل موضحا بجدية
ماهو ده اللي كان متوقع هي كانت آآ
قاطعه مسعد بضجر وهو
يشير بيده
الله يكرمك يا باسل مافيش داعي تقولي اي حاجة أنا فيا اللي مكفيني
لم تكن تصرفات مسعد طبيعية بالمرة فقد كان منفعلا وعصبيا في ردوده وتعامله لذا بدون تفكير سأله باسل مباغتة
انت بتحبها يا مسعد
انتبه مسعد لما قاله رفيقه وحدق فيه مصډوما من فضحه لأمره وعجز عن الرد عليه
أضاف باسل قائلا بجدية
شكلك بيقول كده
رد عليه مسعد بعد تنهيدة أخرى عميقة
مش عارف إن كنت بأحبها ولا معجب بيها ولا احساسي ايه بالظبط
حاول باسل توضيح الرؤية لدى رفيقه ذو المشاعر المتخبطة فأردف قائلا بنبرة عقلانية
بص يا مسعد بيتهيألي انت بس اتعلقت بيها عشانها كانت قريبة أوي منك والطبيعي لما نتعود على وجود حد في حياتنا نزعل لما يسيبنا ويمشي
نظر له مسعد بغرابة وسأله بعدم اقتناع
فكرك كده
أجابه الأخير بثقة
اه
فكر في تفسير صديقه المقرب من إحساسه تجاهها ربما هو مخطيء في اعتقاده أنه يحبها فهو إلى الآن لم يتأكد من إحساسها ناحيته وربما هي لا تبادله أي مشاعر على الإطلاق
تابع باسل قائلا بجدية
صدقني ده شعورك ناحيتها هي جت في وقت إنت مش عندك اللي تفكر فيها وشغلت كل تفكيرك فإنت ارتبطت بيها
رد عليه مسعد بفتور
يا ريت يكون كده بس
في منزل مسعد غراب
تأملت إيناس هيئتها في المرآة بتعجب شديد
رمشت بعينيها عدة مرات غير مصدقة أنها ترى إنعكاس صورتها
هي بدت أكثر جمالا وأنوثة رغم صغر سنها وأكثر مرحا وجاذبية
بالفعل كانت تختبيء خلف إهمالها لنفسها
حيث قامت الأخيرة بتهذيب حاجبيها وضبطهما دون إزالة أي شيء منهما وأيضا مشطت خصلات شعرها بطريقة مختلفة مع الإحتفاظ بسماته الأساسية ومستعينة بأدوات فرد الشعر وكذلك وضعت القليل من مساحيق التجميل لتبرز عيناها بوضوح
ابتسمت لها سابين بتفاخر وسألتها
ها ايه رأيك
ردت عليها إيناس بحماسة ممزوجة بالفرحة
مش عارفة أقولك ايه أنا مش مصدقة إن دي أنا
تابعت سابين قائلة بجدية
إنتي البسي فستان هاتكون سندريلا
ردت عليها إيناس بإبتسامة متسعة للغاية
اكيد
انتقت لها سابين فستانا قصيرا نوعا ما من اللون الأصفر الكناري أكتافه عريضة وخصره نظرت لها سابين بإستغراب وسألتها متعجبة
ليه
أجابتها بإرتباك وقد اكتسى وجهها بحمرة خجلة
ده شكله قصير وآآ وأنا مش متعودة بصراحة ألبس أصلا فساتين
بصي أنا أنا هالبس بنطلون وبلوزة كده أو أو حتى قميص
اعترضت سابين بشدة وأمسكت بها من كفها وهي تهتف
نو لأ مش إنفع انتي البسي ده
أصرت إيناس على رفضها قائلة
لالالا أتكسف
ولجت إسراء للغرفة لتستفسر عن شيء ما فتفاجئت بما حل لأختها من تغيير للأجمل فحدقتها فيها پصدمة وهي فاغرة شفتيها ورددت بذهول
ايه المزة دي
ابتسمت سابين بمرح وهي توجه حديثها إليها
ها إسراء what do you think رأيك إيه
أجابتها بإعجاب واضح في نبرتها ونظراتها
دي
حاجة حلوة اوي كنتي مخبية الحلاوة دي فين يا نوسة
تحول وجه إيناس لكتلة ملتهبة من الحمرة الخجلة وهتفت بتذمر لتخفي حرجها
يوه بطلوا تكسفوني
أضافت سابين قائلة بعبوس زائف
هي مش آوز إلبس فستان
رمقتها إسراء بنظرات حادة وصاحت بتبرم
نعم لأ البسي واتلمعي يا نوسة متبوظيش الطبخة على شوية ملح
شوف نوشة عاملة ازاي
رد عليه سيف بنبرة عالية
دي صاروخ ياله
نهرتهما إسراء على أسلوبهما الفج في الحديث وصاحت قائلة
يادي النيلة على لسانكم 100 مرة أقول اتكلموا كويس مع الأكبر منكم بلاش أسلوب السوق ده هنا
هتفت إيناس بضجر وهي ترمق الطفلين بنظرات منزعجة
بجد يا إسراء